🙏ஐந்தெழுத்து மந்திரத்தின் பெருமை:🙏

ஐந்தெழுத்து மந்திரத்தின் பெருமை:

ஒரு சமயம் நாரதருக்கு ஐந்தெழுத்து மந்திரத்தின் பெருமையை அறிய ஆசை வந்தது.

நேரே கிருஷ்ணனிடம் வந்து", கிருஷ்ணா! எனக்கு ஐந்தெழுத்து மந்திரத்தின் பெருமையை சொல்வாயா என்று கேட்டார்.

நாரதா! நீ காட்டுக்கு செல்.அங்கு பதினாறடி வேங்கை இருக்கும்.அதனிடம் கேள். என்றார்.

அவ்வாறே அந்த வேங்கையின் அருகில் பயத்துடன் சென்ற நாரதர் ", வேங்கையே! நமசிவாய மந்திரத்தின் மகிமையை சொல்வாயாக, எனறவுடன்,

வேங்கை நாரதரை வணங்கி மூன்று முறை வலம் வந்து தரையில் விழுந்து இறந்தது.

ஐயோ! இதென்ன கொடுமை. இந்த மந்திரம் கேட்டவுடன் வேங்கை இறந்து விட்டதே, என்று பயந்து விட்டார்.

சிறிது காலம் கழித்து, மீண்டும் கிருஷ்ணனை சந்தித்து , நடந்ததை கூற, " நாரதா, அந்த காட்டுக்கு செல், ஒரு பசுவை காண்பாய், அதனிடம் கேள், என்றார்.

காட்டில் கண்ட பசுவிடம்", நமசிவாய மந்திரத்தின் பெருமையை எனக்குசொல்வாயா என்று கேட்டார்.

பசுவோ நாரதரை வணங்கி மூன்று முறை வலம் வந்து தரையில் விழுந்து இறந்தது.

நாரதர் அதிர்ச்சியுற்றார். இனிமேல் இதை கேட்க கூடாது என்று முடிவு செய்தார்.

ஆனால் ஆவலை அடக்க முடியாமல் கிருஷ்ணனிடம் சென்று நடந்ததை கூறினார்.

ஆனால் கிருஷ்ணரோ," ,நாரதரிடம்', காசி ராஜனுக்கு குழந்தை பாக்கியம் இல்லை.நீ அங்கு சென்று விபூதி கொடுத்தால், அரசனுக்கு ஒரு ஆண் குழந்தை பிறக்கும். அந்த குழந்தையிடம் ", ஐந்தெழுத்து மந்திரத்தின் பெருமையை கேள், உனக்கு விடை கிடைக்கும் என்றார்.

நாரதரோ, கிருஷ்ணா!, விளையாடுகிறாயா. வேங்கையும் பசுவும் இறந்தது போல, அரசனின் குழந்தை இறந்தால் , என் கதி என்னாவது? என்று கேட்க,

பயம் கொள்ள வேண்டாம். நான் கூறிய படி நட, என்றார்.

காசிராஜனுக்கு விபூதி கொடுக்க அழகான ஆண்குழந்தை பிறந்தது. அந்த ஆண்குழந்தையிடம் சென்று", நமசிவாய என்று கூற பயந்து , ஐந்தெழுத்து மந்திரத்தின் பெருமையை சொல்வாயா என்று கேட்க",

அந்த குழந்தை ", நாரதரே, நான் யார் என்று உங்களுக்கு தெரியவில்லையா. நான் வேங்கையாக இருந்தபோது நீங்கள் செய்த மந்திர உபதேசத்தால், பசுவாக பிறந்தேன். மறுபடி உங்கள் உபதேசத்தால் பசுவிலிருந்து இளவரசனாக பிறந்து உயர்வுற்றேன். நீங்கள் மறுபடியும் எனக்கு நமசிவாய மந்திரத்தை உபதேசம் செய்து பிறவியில்லா பெறும் பேற்றை அடைய அருள்புரிவீராக ",என்று குழந்தை கூறியது.

கிருஷ்ணா! நமசிவாய மந்திரத்தின் மகிமையை எனக்கு உணர்த்திய உனக்கு அனந்தகோடி நமஸ்காரம். என்று நாரதர் பணிந்து வணங்கினார்.

யோக யோக யோகேஸ்வராய

கால கால காலேஸ்வராய

பூத பூத பூதேஸ்வராய

சிவ சிவ சர்வேஷ்வராய

சம்போ சம்போ மகேஷ்வராய.

சர்வ சன ரட்சகா உமா சங்கரா

மகேஷ்வரா சிவசிவா :pray:

வையத்தலைமை கொள்

🙏ஐந்தெழுத்து மந்திரத்தின் பெருமை:🙏

Popular posts from this blog

🌹🌹 blessed with the daughters 🌹🌹

🙏🙏 Once the famous sufi saint 🙏🙏

🌹🌹life is full of opportunities 🌹🌹