🌴 *ஒரு வார்த்தை வெல்லும்;*🌹

🌴 *ஒரு வார்த்தை வெல்லும்;*

🌳 *ஒரு வார்த்தை கொல்லும்.*

🌻மாடு - பசு இரண்டுமே ஒரே கால்நடையைத்தான் குறிக்கும்.

🌻ஆனால், ஒருவரைப் பார்த்து மாடு மாதிரி வளர்ந்திருக்கிறாய் என்று சொல்லிப் பாருங்கள். அவருக்கு

கோபம் பொத்துக்கிட்டு வரும்.

🌻அதே நபரைப் பார்த்து நீங்க பசு மாதிரி இருக்கீங்க என சொல்லிப் பாருங்கள். 

சிரித்துக் கொண்டே வெட்கப்படுவார்.

🌻ஒரு டீக்கடையில் எழுதப்பட்டிருந்த வாசகம் டீயை விடவும் சூடாக இருந்தது.

🌻இரு வடை எடுத்துவிட்டு,

ஒரு வடை என்பார்; 

திருவோடு ஏந்தி, 

தெருவோடு போவார்!

🌻மாஸ்டர் டீ போடுகிற நேரத்தில், தட்டிலிருக்கும் வடையில் இரண்டைத் திண்றுவிட்டு, ஒரு வடைதான் என்று காசு கொடுக்கும் நபர்களைக் கண்டிப்பதற்காக எழுதப்பட்ட வாசகம் இது.

🌻சுவாரஸ்யமாக இருக்கிறது என்றாலும்,

வடை எடுக்கிற எல்லோருக்கும், 

இது ஒரு வித தர்மசங்கடத்தையே ஏற்படுத்தும்.

🌻இதைப் படிக்கும்போது உங்களுக்குள் ஏற்படும் மன உணர்விற்கும், 

இனி வரும் வரிகளை படிக்கும்போது ஏற்படும் மன உணர்விற்கும், 

உள்ள வித்தியாசத்தினை நன்றாக கவனியுங்கள்.

🌻‘உங்களின் வழிச் செலவு, 

எங்களின் வாழ்க்கைச் செலவு.’

🌻ஒரு ஆட்டோவில் டிரைவர் சீட்டின் முதுகில் எழுதப்பட்டிருந்தது இந்த வாசகம்.

🌻இறங்கிய பின் யாரையும் பேரம் பேசவிடாது இந்த வாசகம். 

மேலும், நீங்களாகவே கூட காசு கொடுத்துவிட்டு, சிரிச்சிக்கிட்டு போவீங்க.

🌻மீட்டருக்கு மேல ஐந்து ரூபாய் போட்டுக் கொடுங்க சார் என்கிற வார்த்தைக்கும், 

இந்த வாசகத்திற்கும் எத்தனை வேறுபாடு?

ஒன்னுமே இல்லை.

🌻அதனால் எதையும்

சொல்லும் விதத்தில் சொன்னால் எளிதில் வெல்லலாம்.

🌻மீன் விற்பனை செய்யும் ஒரு கடையில் எழுதப்பட்டிருந்த வாசகம்:

🌻‘மீன் சாப்பிட வேண்டாம் என்றுதான் நினைத்தேன். 

மீனவன் சாப்பிட வேண்டாமா...?’

🌻வார்த்தைகளில் இல்லை வெற்றி. 

அது வெளிவரும் விதத்தில்தான் வெற்றி இருக்கிறது.

🌻டீக்கடையில் எழுதப்பட்ட வரிகளும்,

ஆட்டோவில் எழுதப்பட்ட வரிகளும் ஒரே விஷயத்தினைத்தான் சொல்கிறது. ஆனால், சொல்லப்பட்ட விதத்தில்தான் வித்தியாசம்.

*சொல்ல வந்ததை அழகாகச் சொல்வது ஒரு கலை.*

🌻நினைக்கும் விஷயங்களையெல்லாம் வாய்க்கு வந்தபடி பேசாமல், அதை செம்மைப்படுத்தி பேசிப் பாருங்கள்.  

வெற்றி நிச்சயம்.

🌻ஒரு ஹோட்டலில் எழுதி வைத்திருக்கும் வாசகம்:

🌻‘வீட்டு சமையலுக்கும் 

ஒரு நாள் விடுமுறை விடுங்கள்’

🌻உங்களிடம் வேலை செய்பவர்தான். 

உங்கள் வயதை ஒத்தவர்தான். 

நீ, வா, போ, என ஒருமையில் இல்லாமல்,

வாங்க, போங்க என்று அவர்களை அழைத்துப் பாருங்கள். 

அதன் பலனை எழுத்தில் கொண்டு வர இயலாது.

🌻ஒருவரிடம் உங்களின் வசதிகளையும், பதவியையும் சொல்லி, உங்களின் மேல் அவருக்கு மதிப்பு வருவது முக்கியமல்ல.

🌻உங்களின் நடவடிக்கை, பேச்சு, செயல் இவைகளைப் பார்த்து அதனால் அவர் கவரப்பட்டு, உங்களின் மேல் வரும் மதிப்புக்கும், மரியாதைக்கும் நிகர் ஏதுமில்லை.

🌻பேசும் போது அடுத்தவர்களை நீங்க, வாங்க, உங்க போன்று  பன்மையில் பேசுங்கள்.

🌻மேலும், அவர்களை மதிப்புடனும் பேசுங்கள். 

உண்மையை மட்டுமே பேசுங்கள்.

🌻 நீங்கள்

பேசுவது போலவே நடந்தும் கொள்ளுங்கள்.